गोकर्णेश्वर नगरपालिका ३ को कृष्ण मन्दिर परिसर सरसफाई

कपन अनलाइन

काठमाडौं, श्रावण २८ । गोकर्णेश्वर नगरपालिका वडा नं ३ सुन्ताखानमा सरसफाई गरिएको छ । हिजो मंगलबार  श्रीकृष्ण जन्माष्टमीको अवसर पारेर गोकर्णेश्वर नगरपालिका वडा नं ३ का स्वयं सेवकहरुले  कृष्ण मन्दिर परिसर सर सफाई गर्नुको साथै   भक्तजनहरुलाइ  कोरोना  जोखिम न्यूनीकरणका लागि  भिडभाड नगर्न, सामाजिक दूरी क़ायम  गर्न , मास्क प्रयोग गर्नको लागी सचेतना समेत  जगाइएको स्वयम् सेवक हरिबोल बिष्टले कपन अनलाइनलाइ बताए ।

पछिल्लो पटक विश्वभर देखा परेको कोरोना भाइरसले नेपालमा पनि ठुलो क्षति व्यहोर्नु परेको छ ।

नेपालमा कोरोना संक्रमण दर बढ्दै गए ता पनि स्थानीयको धार्मिक आस्थालाई मध्यनजर गर्दै गोकर्णेश्वर नगरपालिका वडा नं ३ सुन्ताखानको  कृष्णमन्दिरमा सामाजिक दुरी कायम गर्दै भक्तजनको व्यवस्थापन कार्यमा सहयोगी भूमिका खेलेको बताए।