काठमाडौं महानगरपालिका वडा नं ६ मा बागमती नगर पार्क शिलान्यास
कपन अनलाइन
काठमाडौं ,साउन १३।
काठमाडौं महानगरपालिका वडा नं ६ मा बागमती नगर पार्क शिलान्यास गरिएको छ।कार्यक्रम स्थल ,सौचालय ,पोखरी र पार्क लगायतका संरचना निर्माण हुने सो पार्कको नेकपाका काठमाडौं जिल्ला कमिटि अध्यक्ष तथा काठमाडौं क्षेत्र नं ३ का प्रतिनिधि सभा सदस्य कृष्ण राईले शिलान्यास गरेका थिए।
छ करोड १६ लाख ३ हजार ७६९ रुपैया ४९ पैसामा निर्माण हुने सो पार्कको शिलान्यास कार्यक्रममा बौद्धनाथ क्षेत्र विकास समितिका कार्यकारी निर्देशक बसन्त लामा ,काठमाडौं वडा नं ६ का पुर्व अध्यक्ष समाजसेवी नेपालजीत लामा, काठमाडौं महानगरपालिकाका कार्यपालिका सदस्य लक्ष्मी श्रेष्ठ ,पासांग लामा ,समाजसेवी जय मंगल लामा ,समाजसेवी देव लामा ,बौद्धनाथ क्षेत्र विकास समितिका सदस्य कुमार लामा ,मजिन सिंह ,तामांग कल्याण गुठीका अध्यक्ष खड्गजित लामा लगायतको उपस्थिति रहेको थियो।
बौद्धनाथ क्षेत्र विकास समितिका अध्यक्ष तथा बागमती नगर जग्गा एकीकरण र पार्क निर्माण उपसमितिका संयोजक चन्द्रमान लामाको अध्यक्षतामा भएको उक्त शिलान्यास कार्यक्रममा पार्क निर्माणको वारेमा जानकारी प्रदान गरिएको थियो।
उक्त पार्क सम्पन्न गर्नुपर्ने मिति २०७७ फागुन १५ गते रहेको छ।
