स्थानीयको कुटपिट बाट तारकेश्वर वडा नं. ५ मा एक युवाको मृत्यु

कपन अनलाइन 

काठमाडौं ,साउन ३ ।

तारकेश्वर वडा नं. ५  गोलढुंगामा एक युवाको हत्या भएको छ । रसुवा स्थायी घर भई कपुरधारा बस्दै आएका २४ वर्षे खिरिङ तामाङको स्थानीयले चोरी गर्न आएको व्यक्ति ठानेर सर्वसाधारणले कुटपिट गगर्दा मृत्यु भएको हो  ।

साथीको घरमा पाहुना लाग्न गएका खिरिङ तामाङले  राती १२ः३० बजे स्थानीय कृष्ण श्रेष्ठको कुकुरलाई ढुंगाले हानेको निउँमा स्थानीयहरुले  कुटपिट गरेका थिए।

पछि उनीहरु भागेपछि चोर, चोर भन्दै कराएपछि सर्वसाधारणले उनलाई ढुंगा हान्दा उनको टाउकोमा चोट लागेको  पाइएको  बालाजु प्रहरीले जानकारी दिएको छ ।

गोलढुंगाका स्थानीय बासीलाई बालाजु प्रहरिले समातेर अनुसन्धानका लागि प्रहरि कार्यालय बालाजु वृतमा राखेको छ भने  मृतकको साथी एक जना घाइते भएका छन् ।