कागेश्वरी मनोहरा नगरपालिकको टोल टोलमा मेयर अभियान शुरु

कपन अनलाइन  

काठमाडौँ श्रावण २। कागेश्वरी मनोहरा नगरपालिकाका प्रमुख कृष्णहरि थापाले टोल टोलमा मेयर अभियान संचालन गरेका छन। उनले सो अभियान अन्तर्गत  श्रावण १ गते देखि ९ गते सम्म प्रत्येक वडा टोल टोलमा पुग्ने कार्यक्रम अनुसार श्रावण १ गते बिहिबार वडा अध्यक्ष र वडा सदस्य सहित कागेश्वरी मनोहरा वडा नं १ गागलफेदीमा भएका विकास निर्माणको निरीक्षण गर्नुको साथै स्थानीय संग भेटघाट छलफल गरेका थिए भने  स्थानीयवासीका गुनासाहरु पनि सुनेका थिए ।

 निर्वाचन दौरानमा प्रमुख थापाले जनता संग गरेको प्रतिबद्धतालाइ पुरा गर्नको लागि जनताको माझमा पुगेका हुन्  ।

आफ्नो पांच बर्षे कार्यकालको दौरान तीन वर्ष सम्म नगरपालिकाको दीर्घकालीन योजना तथा प्रशासनिक नीतिगत र कानुनी पूर्वाधार निर्माण गर्न केन्द्रित भएका नगर प्रमुख जनताको माझमा पुगी भए गरेका काम प्रगती र आगमी दिनमा गर्न पर्ने योजनाको बारेमा समेत छलफल गरेका थिए।