बुढानिलकण्ठ – ७  ढठुगाउको “वाल उधान” निर्माण चरणमा

कपन अनलाइन

काठमाडौं ,जेष्ठ २७

बुढानिलकण्ठ नगरपालिका वडा नं ७  ढठुगाउमा रहेको वाल उधान निर्माण कार्य अन्तिम चरणमा पुगेको छ। वडा नं ७ द्वारा बिनियोजन गरिएको ५ लाख ७० हजार बजेटमा सो क्षेत्रमा पार्क निर्माण गरिएको हो ।

सो उद्यानमा कम्पाउन्डिङ्ग गर्ने,झरणा बनाउने,ग्रील र गेट,प्लास्टर गर्ने,हिमपाइप विछ्याउने,मङ्गल बनाउने,सहायक गेट राख्ने,गमला स्याण्ड राख्ने,ब्याट्मिन्टन कोर्ट बनाउने,बगैंचामा दुबो राख्ने,चराको गुड बनाउने साथै रङ्गरोगन गर्ने र फुट ट्रायल बनाउने कार्य  अन्तिम चरणमा रहेको वडा नं ७ का अध्यक्ष बस नारायण महर्जनले जानकारी दिएका छन।

वडा नं ७ का अन्य स्थानमा पनि पार्क तथा पूर्वाधार निर्माण भैरहेको जानकारी दिदै अध्यक्ष महर्जनले निर्धारित समयमा सो उधान वालवालिका र खेलप्रेमीका लागि उपयोगी हुने बताएका छन।