चर्चित सांगीतिक समुह “Dr Pilot ” को पुनरागमन
कपन अनलाइन
काठमाडौं ,जेष्ठ १९।
करिव १४ वर्ष को लामो अन्तराल पछि सांगीतिक समुह डाक्टर पाईलट्सले आफ्नो पुरानो चर्चित नेपाली गीत “सरकारी जागीर” लिएर सांगीतिक क्षेत्रमा पुनरागमन गरेका छन्। यस समूहले आफ्नो १ दशकको समयमा ५ वटा गीति एल्बम बजारमा ल्याएका थिए । त्यस मध्य ए होइ, मनसून, सरकारी जागीर लगायतका गीतहरुले त्यस समयमा निकै लोकप्रियता कमाएका थिए।
प्राय सदस्यहरु पढाईको शिलशिलामा विदेशीए पछि यो समुह केहि समयको लागिनिस्क्रिय जस्तो देखिएको थियो । तर,अहिले लकडाउनको समयलाई सदुपयोग गर्दै नेपाल, अमेरिका, अस्ट्रेलिया, लण्डन, बेल्जियममा रहेका समूह सदस्यहरु मिलेर सांगीतिक यात्रालाई पुनःसुचारु गर्न नयाँ शैलीमा आफ्नो गीत नयाँ युटूब च्यानल तथा फेसबुकबाट प्रसारण गरेका छन् ।
आगामी दिनमा यस ब्याण्डले आफ्नो नयाँ गीतहरु पनि नेपाली श्रोताहरु माँझ पस्किने तयारी गरि रहेको बताएका छन् ।आफू जहाँ रहे पनि नेपाली संगीतिलाई आफुले नबिर्सिएको र निरन्तर माया गरिरहने उनीहरु बताउँछन् ।
