जेठ २४ गते शनिबार जोरपाटी नारायणटारमा आकस्मिक रक्तदान हुने
कपन अनलाइन
काठमाडौँ, जेठ १८। कोरोना प्रकोपका कारण अहिले नियमित रक्तदान कार्यक्रम हुन नसकेको वेलामा रगत अभावको समस्या समाधान गर्न जोरपाटी नारायणटारमा आकस्मिक रक्तदान कार्यक्रम आयोजना हुने भएको छ। लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब अफ काठमाडौं डाँफेको आयोजना तथा विश्वज्योति बचत तथा ऋण सहकारी संस्था लि. यज्ञश्री बचत तथा ऋण सहकारी संस्था लि. र ब्लोदान गोकर्णेश्वर नगरपालिका सहआयोजक रहेर जेठ २४ गते शनिबार लामा पेट्रोल पम्प, नारायणटार, जोरपाटीमा सुरक्षित तवरले आकस्मिक रक्तदान कार्यक्रम आयोजना गर्न लागिएको लायन्स क्लब अफ काठमाडौं डाँफेका लायन बच्चुराम शर्मा कुइकेलले जानकारी गराए ।
कोभिड–१९ को सङ्क्रमण रोक्न देशव्यापी आह्वान गरिएको लकडाउनका कारण अत्यावश्यक रगत अभाव हुनसक्ने सम्भावनालाई ध्यानमा राखेर आकस्मिक रक्तदान कार्यक्रम आयोजना गर्न लागिएको पनि बताए।उनले रक्तसंचार केन्द्रको प्राबिधिक सहयोगमा बिहान १० बजे देखि १ बजे सम्म हुने उक्त रक्तदान कार्यक्रममा रक्तदान गर्न इच्छुक महानुभाबहरुले निम्न नम्बरमा नाम टिपाउन पनि अनुरोध गरेका छन ।सम्पर्क व्यक्तिः लायन मेघदत्त रिजाल ९७५१०९८९९३ लायन सन्तोष सिवाकोटी ९८५१००११७५ लायन महेश आचार्य ९८४१२८४५९५
