नयाँ वर्ष २०७७ को अवसरमा दक्षिणकाली नगरपालिका प्रमुख मोहन बस्नेतको शुभकामना सन्देस !
कपन अनलाइन
काठमाडौं ,बैशाख १।
दक्षिणकाली नगरपालिकाका प्रमुख मोहन बस्नेतको नगरबासीलाइ नया वर्ष २०७७ को शुभकामना ब्यक्त गरेका छन।
नगर प्रमुख बस्नेतको शुभकामना सन्देस :
हामीले दक्षिणकाली नगरपालिकामा यस्तो संक्रमणको प्रकोप भित्रिन नदिनको लागि सावधानी अपनाउदै यसको प्रकोप देखिइ हालेमा संक्रमण रोकथामका लागि नगरपालिकाले सम्पूर्ण गरेको जानकारी गराउन चाहन्छु ।
त्यस्तै हाम्रो नगरपालिकामा तराई र अन्य क्षेत्रमा आवतजावत गर्ने हरुको विवरण राख्दै स्वास्थ्य जांचको व्यवस्था मिलाउनुका साथै अन्य राहत र सचेतनाका काम गर्दै आएको जानकारी गराउन चाहान्छु।
हाल सम्म विदेश बाट नगरपालिकाका बिभिन्न वडाहरुमा भर्खरै आउनु हुने कोहि पनि महानुभावहरुमा कोरोना संक्रमण नदेखिएको जानकारी गराउदै फर्पिंग लगायतका स्थानमा स्वास्थ्य चेक पोइन्ट राखेर सजगता अपनाइएको जानकारी गराउन चाहान्छु ।
आदरणीय तारकेश्वर नगरबासी दाजुभाइ तथा दिदीबहिनीहरु
हामीले दक्षिणकाली नगरपालिकामा दैनिक ज्यालादारी गर्ने परिवारहरुले भोक भोकै बस्न नपरोस भनेर वडाहरुमा राहत वितरण गर्दै आएको र कोहि पनि अफ्ट्यारोमा पर्नु भएको छ भने वडा अध्यक्षहरुलाइ सम्पर्क गर्न सकिने जानकारी गराउछु।साथै कुनै आपतकालीन सेवा र अवस्था आयो भने नगरपालिका यहारुको सेवामा तयार रहेको जानकारी गराउन चाहान्छु।
नयाँ वर्ष २०७७ को अवसरमा यस महामारीको प्रकोप माथि विजय प्राप्त गरेर समृद्दी कायम गर्ने नविन यात्रा थालनी गर्न सकियोस भन्ने कामना गर्दछु।
साथै यो महामारीसँग जुध्न अहिले अग्रपंक्तिमा उभिएका स्वास्थ्यकर्मी, सुरक्षाकर्मी ,जनप्रतिनिधी,संचारकर्मी तथा अत्यावश्यक सेवामा सक्रिय व्यक्तित्वहरु प्रति दक्षिणकाली नगरपालिकाका तर्फ बाट उच्च सम्मान ब्यक्त गर्दछु।
