बुढानिलकण्ठ नगरपालिका वडा नं १२ मा  बेकरी तालिमको उद्घाटन

कपन अनलाइन

काठमाडौं ,फागुन १७।

बुढानिलकण्ठ नगरपालिका वडा नं १२ मा  बेकरी तालिमको उद्घाटन भएको छ। बुढानिलकण्ठ नगरपालिकाको आर्थिक सहयोग र सर्वगणेश  महिला समुहको आयोजनमा भएको तालिमको वडा नं १२ को हलमा आयोजित कार्यक्रममा उद्घाटन गरिएको थियो ।

उक्त तालिम उद्घाटन कार्यक्रममा बुढानिलकण्ठ नगरपालिका वडा नं १२ का अध्यक्ष शम्भु भट्टराई .नगर कार्यपालिका सदस्य शान्ता ढकाल ,वडा सदस्यहरु पुरुषोत्तम नेपाल ,डिल्ली प्रसाद खतिवडा ,मिना बयलकोटी ,समाजसेवी घननाथ पराजुली सहित विभिन्न महिला समुहका प्रतिनिधिहरुको उपस्थिति रहेको थियो ।

सो तालिममा वडा नं १२ मा बसोवास गर्ने इच्छुक व्यक्तिले उक्त तालिम लिनका लागि वडा कार्यालयमा सम्पर्क गर्न सक्ने र आगामी दिनमा पनि शिप मुलक र रोजगार मुलक तालिमहरुको आयोजना गरिने बताउदै वडा अध्यक्ष शम्भु भट्टराईले वडामा निर्माणका कामहरु लगभग सकिएको र वव सामाजिक र मानवीय विकासका कामलाई प्राथमिकता दिने भनाइ राखेका थिए ।फोटो सौजन्य :प्रतिमा पौडेल