फ्रान्स पठाइदिन्छु भन्दै साढे ३८ लाख ठग्ने महिला पक्राउ
कपन अनलाइन
काठमाडौं ,फागुन १५। फ्रान्स पठाइदिन्छु भन्दै तीन जनासँग साढे ३८ लाख रुपैयाँ ठगी गर्ने एक महिलालाई प्रहरीले पक्राउ गरेको छ।
पक्राउ पर्नेमा रुपन्देही दुधराक्ष गाउँपालिका-५ घर भइ हालः तारकेश्वर नगरपालिका-१९ बासुकिनाग मार्ग मनमैजु बस्ने पुर्णिमा श्रीष रहेकी छन्।
उनले वैदेशिक रोजगारको सिलसिलामा आकर्षक तलवमा फ्रान्समा रोजगारी लगाइदिने भन्दै तीन जनासँग साढे ३८ लाख रुपैयाँ लिइ ठगी गरेको प्रहरीले जनाएको छ।
पिडित शिर बहादुर थापाको उजुरीमा श्रीषलाई पक्राउ गरेको हो। उनलाई तारकेश्वर–१९ बासुकिनाग मार्ग मनमैजुमा फेला पारी पक्राउ गरिएको प्रहरीले जनाएको छ।
घटनाबारे थप अनुसन्धान भइरहेको छ।
तपाइँको प्रतिक्रिया ।
