शंखरापुर – ७ स्थित धुल्लाटोलमा टिपरले किच्दा श्रेष्ठकाे मृत्यु

कपन अनलाइन

काठमाडौं ,फागुन ६।

शंखरापुर नगरपालिकाकाे वडा नं.  ७ स्थित धुल्लाटोलमा हिजाे राती करिब ९.४५ बजेको समयमा टिपरले किच्दा गम्भीर घाइते भएका वडा नं. ६ साँखु बस्ने अन्दाजी बर्ष ४२ को प्रबिण श्रेष्ठकाे उपचारकाे क्रममा अस्पातालमा मृत्यु भएकाे छ ।

ना १ क ४५६४ नम्बरकाे टिपरले करिब  ९.४५ बजेको समयमा किचेकाे स्थानीयले जानकारी दिएका छन । घटनाकाे जानकारी प्राप्त हुना साथ महानगरीय प्रहरी प्रभागका प्रहरी निरिक्षक गाेबिन्द पन्थीकाे नेतृत्वमा खटिएकाे टाेलीले तत्काल घाइतेकाे उद्वार गरि सुष्मा काेर्इराला मेमाेरीयल अस्पताल साँखु लगिएकाेमा उपचारकाे क्रममा उनकाे मृत्यु भएकाे हाे ।

घटना लगतै तुरून्तै साँखु क्षेत्रका सबै नाकाहरूलार्इ बन्द गरि खाेज तलास गर्दा ३ वटा टिपर भेटिएकाेमा अनुसन्धान गर्दा ना १ क ४५६४ नम्बरकाे टिपरकाे चक्कामा अालाे रगत भेतिएपछि चालक सिन्धुपाल्चोक इन्द्राबती गाउपालिका १० बस्ने सोम तामाङलार्इ पक्राउ गरि टिपर सहित आबष्यक कारबाहीको लागि महानगरिय प्रहरी बृत बौद्द पठाइएको जानकारी प्रहरी निरिक्षक गाेबिन्द पन्थीले दिएका छन ।फोटो सौजन्य :शंखरापुर न्युज