गोकर्णेश्वर युवा जागरण क्लब द्वारा आयोजित प्रथम उप मेयर कप सेभेन ए साइड फुटबल प्रतियोगिता माघ १८ गते बाट शुरु हुने

कपन अनलाइन

काठमाडौं माघ १७ गोकर्णेश्वर नगरपालिका वडा नं ४ मा रहेको गोकर्णेश्वर युवा जागरण क्लबले प्रथम उप मेयरकप सेभेन ए साइड फुटबल प्रतियोगिता आयोजना गर्ने भएको छ युवालाई दुर्व्यसन तर्फ लाग्न नदिई खेलकुद तर्फ आकर्षित गर्ने उद्धेश्य सहित प्रतियोगिता आयोजना गर्न लागिएको हो।

नगर भित्र रेहेका फुटबल खेलाडिहरुको प्रवर्द्धन गर्दै राष्ट्रिय तथा अन्तराष्ट्रिय फुटबल  खेलाडी उत्पादन गर्न सहयोग पुगोस भन्ने  उद्देश्यका साथ प्रतियोगिता आयोजना गर्न लागिएको गोकर्णेश्वर युवा जागरण क्लबका अध्यक्ष विकेश श्रेष्ठले बताए।   उनले गोकर्णेश्वर नगरपालिकामा  फुटबल खेलको थप विकास र लोकप्रियता बढाउन पनि प्रतियोगिताले सहयोग पुर्याउने बिश्वास ब्यक्त गरेका छन् ।

माघ १८ गते २५ सम्म गोकर्णेश्वर नगरपालिका वडा नं ४ उत्तरबहिनि नजिक रहेको च्यासल खेल मैदान मा आयोजना हुने उक्त प्रतियोगितामा प्रथम र दितीय हुने टिमले क्रमश नगद पुरस्कार रु ४० हजार र२० हजार सहित ट्रफी र मेडल प्राप्त गर्ने आयोजकले जनाएको छ।आयोजकले खेल अवधी भर खेलाडीहरुको मनोबल उच्च पार्न सम्पुर्ण खेल प्रेमी दर्शकहरुलाई  खेल अवलोकनको लागि उपस्थिती भईदिन समेत अनुरोध गरेको छ । आज नै प्रतियोगिताको खेल तालिका समेत सार्वजनिक गरिएको छ । जस अनुसार भोलि बिहान ८  बजे उद्घाटन खेल हुनेछ ।