मनोहरा जेसिज वर्ष २०२० को अध्यक्षमा निशान गौतम

कपन अनलाइन

काठमाडौं,माघ ४। मनोहरा जेसीजको वर्ष २०२० को अध्यक्षमा निशान्त गौतम निर्वाचित भएका छन् । शुक्रवार सम्पन्न शाखाको चौथो शाखा अधिवेशनले गौतमलाई सर्वसम्वत अध्यक्षका रुपमा  निर्वाचित गरिएको हो ।

शाखाकी अध्यक्ष रजनी थापाको सभापतित्व तथा मनोहरा नगरपालिका वडा नम्बर १ का कार्यबहाक अध्यक्ष बलराम खड्काको प्रमुख आतिथ्यतामा सम्पन्न भएको कार्यक्रममा अध्यक्षमा निशान्त गौताम चुनिए संगै शाखाको कार्यकारीणी उपाध्यक्षका शैलेन्द्र कुइकेल र अस्मिता बोहोरा, चुनिएका छन्।

त्यसै गरि उपाध्यक्षहरुमा सागर रोक्का, विवेक थापा, प्रामिला चापागाई र अरुण श्रेष्ठ निर्वाचित भएका निर्वाचन आयुक्त संस्थापक अध्यक्ष जगतराज ढुङ्गानाले जानकारी गराए । अन्य पदाधिकारी चयन  भने पदहस्तान्तरण कार्यक्रममा गरिने पनि जानकारी गराए ।

कार्यक्रमको स्वागत उपाध्यक्ष अस्मिता बोहोराले स्वागत गरेको कार्यक्रमको सञ्चालन महासचिव सागर रोक्काले गरेका थिए। स्मरण रहोस यो शाखा २०१९ को पहिलो महिना नै जेसीज अफ द मन्थ र वर्षको उत्कृष्ट शाखाको अवार्ड लिन सफल भएको  थियो ।

फोटो : सागर रोक्का