काठमाडौं महानगरपालिका – १५ बाट मोटरसाइकल चोर्दै गरेको अवस्थामा एक जना पक्राउ
कपन अनलाइन
काठमाडौं, पुस २२। काठमाडौं महानगरपालिका वडा नं – १५ चौमतीस्थित सडकबाट प्रदेश नम्बर ३–०२–००२ प ३९५ नम्बरको मोटरसाइकल चोरी गर्दै गरेको अवस्थामा एक जना पक्राउ परेका छन्।
पक्राउ पर्नेमा काभ्रे तिमाल गाउँपालिका घर भएका २० वर्षीय युवराज तामाङ रहेका छन्।
महानगरीय अपराध महाशाखा टेकु र महानगरीय प्रहरी वृत्त स्वयम्भूबाट खटिएको संयुक्त प्रहरी टोलीले तामाङले मोटरसाइकल चोरी गरी डोर्याएर ल्याई रहेको अवस्थामा फेला पारी मंगलबार बिहान पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
तपाइँको प्रतिक्रिया ।
