दोस्रो टोखा महोत्सव हुने

कपन अनलाइन

काठमाडौं,पुस २०। आगामी फागुन २३ गते  देखि २५ गतेसम्म दोस्रो टोखा महोत्सव हुने भएको छ ।

उक्त महोत्सव नेपाल भ्रमण वर्ष २०२० को अवसरमा टोखा नगरपालिकासँगको सहकार्यमा हुन् लागेको हो । महोत्सव तयारीको बारेमा शनिवार नेवा गुथि टोखा अध्यक्ष देवराज डंगोलको अध्यक्षतामा बसेको बैठकले जानकारी दिएको हो।

महोत्सवको बारेमा स्थानीय जनप्रनिधिनि तथा संघसंस्थाका प्रतिनिधिहरुसँग बसेको पहिलो बैठकबाट टोखा नगरपालिकाको समग्र संस्कृति, धार्मिक, पर्यटन प्रवर्द्धन गर्ने मूलभूत उद्देश्य सहित टोखा नगरपालिकाले  दोस्रो टोखा महोत्सव  गर्ने निर्णय गरेको हो । महोत्सवका लागि आवश्यक तयारी एवं उप समितिमा गठन गर्ने प्रकृया अगाडि बढाउने समेत बैठकबाट निर्णय गरिएको थियो ।

बैठकमा पहिलो महोत्सवमा भएको कमिकजोरीलाई सुधार गरी अझ व्यवस्थित रुपमा अगाडि बढ्नु बैठकमा उपस्थितहरुले सुझाव दिएका थिए । आवश्यक पुर्वाधारको निर्माण तथा व्यवस्थापनमा ध्यान दिनु पर्नेमा समेत जोड दिएका थिए ।

उक्त बैठकमा टोखा नगरपालिका – २ का वडाध्यक्ष दीपकराज जोशी, ३ का कार्यवाहक वडाध्यक्ष हरिमान श्रेष्ठ टोखा साँस्कृतिक संरक्षित विकास समितिका अध्यक्ष गणेशमान श्रेष्ठ सहित टोखाका विभिन्न संघसंस्थाका प्रतिनिधिहरुको उपस्थिति रहेको थियो ।

फोटो सौजन्य: न्यूज अफ टोखा