बुढानिलकण्ठ नगरपालिकाले आवधिक योजना निर्माण शुरु
कपन अनलाइन
काठमाडौं ,पौष १२।
बुढानिलकण्ठ नगरपालिकाले आवधिक योजना निर्माणको कामलाई शुरु गरेको छ।
नगरपालिकाका विभिन्न क्षेत्रमा अल्पकालीन,मध्यकालीन तथा दिर्घकालिन योजना निर्माणका लागि जनप्रतिनिधि तथा अन्य सरोकारवाला पक्षहरु संग यस विषयमा छलफल सम्पन्न भएको छ ।
बुढानिलकण्ठ नगरपालिकाका प्रमुख उद्दव खरेलको अध्यक्षतामा भएको सो छलफल कार्यक्रममा प्रदेस सभा सदस्यहरु दिपक निरौला ,कुसुम कुमार कार्की तथा भीमसेन खत्रीको उपस्थिति रहेको थियो ।
विभिन्न क्षेत्रका विसेसषज्ञहरुले फरक फरक क्षेत्रको प्रस्तुतीकरण दिएको कार्यक्रममा बुढानिलकण्ठ नगरपालिकाकी उपप्रमुख रमा राइले स्वागत मन्तव्य राखेकी थिइन् ।
सो कार्यक्रममा सुझाव राख्दै प्रदेस सभा सदस्यहरुले नगरपालिकाले दिर्घकालिन महत्वका संरचना निर्माणमा ध्यान दिनुपर्ने बताउदै त्यसका लागि संघीय र प्रदेस सरकारले सहयोग गर्ने प्रतिवादत्ता व्यक्त गरेका थिए।
बुढानिलकण्ठ नगरपालिका योजना शाखाका प्रमुख महेस पाठकले संचालन गरेको सो कार्यक्रममा वडा अध्यक्ष तथा अन्य जनप्रतिनिधिहरुको उपस्थिति रहेको थियो ।
