चन्द्रागिरि नगरपालिका–११ बाट मोटरसाइकल चोरी गर्दागर्दै एक जना पक्राउ

कपन अनलाइन

काठमाडौँ, पुस ९ ।  नेपाल प्रहरीले मोटरसाइकल चोरी गर्दागर्दै एक जनालाई पक्राउ गरेको छ ।

पक्राउ पर्नेमा  मकवानपुर थाहा नगरपालिका–११ का सुवास श्रेष्ठ रहेका छन् ।

महानगरीय प्रहरी प्रभाग बलम्बुको टोलीले चन्द्रागिरि नगरपालिका–११ सिप्रदी कार्यालय नजिकै सडकखण्डमा मोटरसाइकल चोरी गर्दागर्दै उनलाई आज पक्राउ गरेको हो ।

प्रभागका प्रमुख एवं प्रहरी निरीक्षक खेमराज रावतले बा१०प ३१६८ नम्बरको स्पेण्डर मोटरसाइकल चोरी गर्दागर्दै पक्राउ गरिएको जानकारी दिए ।

उलाई आवश्यक अनुसन्धान तथा कारवाहीका लागि महानगरीय प्रहरीवृत्त थानकोट पठाएको प्रभागले जनाएको छ ।