चलचित्र विकास बोर्डका अध्यक्ष केशव भट्टराई रहेनन

कपन अनलाइन

काठमाडौँ, मंगसिर ३०। चलचित्र विकास बोर्डका अध्यक्ष केशव भट्टराईको  निधन भएको छ। आइतबार राति १० बजेर २० मिनेटमा उनको उनको निधन भएको हो ।स्वास्थ्यमा एक्कासि समस्या देखिएपछि भट्टराईलाई उपचारका लागि ओम अस्पताल नपुर्याउँदै बाटोमा नै उनको निधन भएको पारिवारिक स्रोतले जनाएको छ ।उनको निधनको कारण भने खुलेको छैन ।

उनि  ८ महिनाअघि चलचित्र विकास बोर्डको अध्यक्षमा नियुक्त  भएका थिए ।३० वर्षभन्दा लामो समयदेखि चलचित्र क्षेत्रमा सक्रिय रहेका भट्टराईले विभिन्न टेलिशृखलाहरुसँगै विभिन्न चलचित्र निर्माण गरेका थिए । उनले बनाएका चलचित्रमा ‘आफ्नो मान्छे, पाहुना, कर्मयोद्धा, देवरबाबु, छोडी गए पाप लाग्ला, सो सिम्पल’लगायत छन्  ।भट्टराईको परिवारमा एक छोरा र एक श्रीमती रहेका  छन ।

फोटो : सामाजिक संजाल