यज्ञडोल जगडोल युवा क्लब द्वारा १३ औ साग अन्तर्गत क्रस कन्ट्री र डाउन हिल साईकल रेस आयोजना स्थल परिसर सरसफाई
कपन अनलाइन
काठमाडौं मंगसिर १८ १३ औ साग खेल अन्तर्गत आज मंसिर १८ र भोलि मंगसिर १९ गते क्रस कन्ट्री र डाउन हिल साईकल रेस गोकर्णेश्वर ४ सामुदायिक बन यज्ञडोल जगडोलमा हुन लागेको छ ।सो स्थानमा अहिले खेलका लागि पूर्वाधार र अन्य तयारी पुरा भएको छ।केहि समय पहिला पनि सोहि स्थानमा क्रस कन्ट्री र डाउन हिल साईकल रेस सम्पन्न भएको थियो।
सो महत्वपूर्ण प्रतियोगिताले सो स्थानको प्रवर्धनमा सहयोग पुग्ने भन्दै उक्त स्थानका स्थानीय संघ संस्था पनि प्रतियोगिता सफल बनाउन सक्रिय बनेका छन । त्यसै क्रममा जगडोलमा सक्रिय रहेको यज्ञडोल जगडोल युवा क्लब लगायतका संघ सस्थाले कार्यक्रम सफलताको शुभकामना सहित सरसफाई गरेका छन् ।
आज बिहान खेल हुने स्थान जगडोलमा उनीहरुले सडक सरसफाई गर्दै पाउनाहरुको स्वागतका लागि बिभिन्न ब्यानर समेत राखेका छन् ।सो सरसफाई कार्यक्रममा यज्ञडोल जगडोल युवा क्लबका अध्यक्ष संजय पौडेल, सचिब कपिल पौडेल यज्ञडोल जगडोल सामुदायिक बनका अध्यक्ष सुदर्शन सिग्देल लगायत स्थानीयको सहभागिता रहेको थियो ।
त्यसै गरि जगडोलकै सुगम बचत तथा ऋण सहकारी सस्था ,सुगम वेलफेयर सोसाइटी र जगडोल रेसिडेन्ट ग्रुपले पनि कार्यक्रम सफलताको शुभकामना लेखिएको ब्यानर टाँगेका छन् उनीहरुले क्रस कन्ट्री र डाउन हिल साईकल रेस गोकर्णेश्वर ४ सामुदायिक बन यज्ञडोल जगडोलमा हुन लागेकोमा खुसि ब्यक्त गर्दै सो प्रतिस्पर्धाले गर्ववान्बित भएको बताउदै मंसिर १८ र १९ गते हुने उक्त प्रतिस्पर्धालाई जगडोलमा आयोजना एबम ब्यवस्थापन पहल गर्ने सम्पुर्ण तह र तप्काका महानुभावहरुलाई आभर प्रकट गरेका छन् ।आज १० बजे उक्त प्रतियोगिताको उद्घाटन हुदैछ।
साथै उक्त प्रतियोगिताको अवलोकन गर्न पनि ति संघ संस्थाले अनुरोध गर्दै सो क्षेत्रको प्राकृतिक र खेल पर्यटनको विकास गर्न आव्हान गर्दै ति संस्थाले स्थानीय रुपमा प्रचार गरिरहेका छन ।
