शंखरापुर नगरपालिका – ३ श्री कालिका शरण मा.वि.चारकोठे पक्की भवन उद्घाटन तथा हस्तान्तरण

कपनअनलाइन

काठमाडौं, मंसिर १२ । शंखरापुर नगरपालिका – ३ जहरसिंह पौवाको स्थित श्री कालिका शरण मा.वि.चारकोठे पक्की भवनको समुद्घाटन तथा हस्तान्तरण कार्यक्रम सम्पन्न भएको छ।

जिल्ला आयोजना कार्यान्वयन इकाई (शिक्षा) काठमाडौँद्वारा कुल रु ६९ लाख ३३ हजार ५सय त्रिसठ्ठीको लागतमा निर्मित सो भवनको नगर प्रमुख सुवर्ण श्रेष्ठ र इकाईका प्रमुख अर्जुनबहादुर रायमाझीले संयुक्तरुपमा उद्घाटन गरेका हुन्।

विद्यालय व्यवस्थापन समितिका अध्यक्ष तथा कार्यक्रमका सभापति मदन वाईवालाई इकाईका प्रमुख अर्जुनबहादुर रायमाझीले भवन हस्तान्तरणको प्रमाण-पत्र प्रदान गरेका हुन्।

विद्यालयका लागि ओम् होङ्ग गिल ह्युमन फाउन्डेसनद्वारा निर्मित छात्रावास सहितको भवन र सामुदायिक भवनको उद्घाटन छिट्टै हुँदैछ।