लिपुलेक लिम्पियाधुरा समेटेर नेपालको नक्सा बनाउन सरकारलाई राज्यव्यवस्था समितिको निर्देशन

छलफलको अन्त्यमा समिति सभापति शशि श्रेष्ठले नेपालको पश्चिमी सिमाना लिम्पियाधुरा समेटेर नेपालको नक्सा जारी गर्न समितिको तर्फबाट निर्देशन दिएकी छिन् ।  उनले भारतले नेपालको भू–भागमा हस्तक्षेप गरेको अवस्थामा नेपाल सरकार अविचलित र दृढ रहेकोमा धन्यवाद समेत दिइन् । उनले भनिन– ‘काली नदीको पूर्व लिम्पियाधुरा, लिपुलेक र कालापानी लगायतका भू–भाग नेपालकै हो र महाकाली नदीको मुहान लिम्पियाधुरा नै हो भन्नेमा सरकारको प्रष्ट र दृढ अडान रहेकोमा त्यसको सरहना गर्दै सरकार र त्यसका सम्पूर्ण अंग, राजनीतिक दल, राजनीतिक एवम् सामाजिक संघ संगठन आम नेपाली जनसमुदायलाई एकताबद्ध भई राष्ट्रियताको पक्षमा दृढतापूर्वक भई उभिन राज्यव्यवस्था समिति हार्दिक अपिल गर्दछ ।’