सुनकोशी नदीमा बस खस्दा ६ जनाको मृत्यु

कपनअनलाइन

सिन्धुपाल्चोक,कार्तिक १७।  जिल्लाको चौतारा साँगचोकगढी नगरपालिका-९ सुनकोशी नदीमा यात्रुवाहक बस खसेको छ। दोलखाको मागा देउरालीबाट काठमाडौँ आउँदै गरेको बस नदीमा खसेको हो। बा२ख ७२४५ को बस खसेको डिएसपी माधव काफ्ले जानकारी दिए।

ठूलो मानवीय क्षतिको अनुमान गरिएको छ। घटनास्थलमा ६ जनाको शव फेला परेको प्रत्यक्षदर्शी सन्तोष पनेरुले जानकारी दिए। बस नदीमा पूरै डुबेको छ। मृतक संख्या बढ्नसक्ने बताइएको छ। घटनास्थलबाट घाइतको उद्धार गरी उपचारको लागि विभिन्न अस्पताल लाने काम भइरहेको छ।