पिङ खेल्दा उद्घाटन भनेर कुप्रचार गरियो : सांसद यज्ञराज सुनुवार

कपन अनलाइन

ओखलढुंगा , कार्तिक ८।

दशैको घटस्थापनाको दिन शसत्र प्रहरी बल ओखलढुंगाले हालेको पिङ खेलेको तस्वीरलाई उद्घाटन भनेर प्रचार गरिएको विषयमा ओखलढुंगा जिल्लाका प्रतिनिधि सभा सदस्य यज्ञराज सुनुवारले खेद प्रकट गरेका छन।

ओखलढुंगा जिल्लाका प्रमुख जिल्ला अधिकारी गणेश आचार्य , जिल्ला समन्वय समितीका प्रमुख जय बहादुर श्रेष्ठ , सिद्दीचरण नगरपालिकाका प्रमुख मोहन श्रेष्ठ , शसत्र प्रहरी बल ओखलढुंगा प्रमुख सहित आफुले पिङ खेलेको र सोही तस्वीरलाई अहिले आएर उद्घाटन भनी गरिएको प्रचार केवल आफ्नो ब्यक्तित्व क्षेयिकरण गर्ने गलत प्रयास मात्र भएको भन्दै सांसद सुनुवारले यस्ता कुप्रचारले कुनै असर नपर्ने धारणा व्यक्त गरेका छन ।

ओखलढुंगा जिल्लाका जनताको सेवामा आफू सधै सकृय रहेको र सो सकृयता बाट बिचलित बनेका विरोधीहरुले सो कुल्सित प्रयास गरेको भन्दै उनले उक्त विषयमा सोही स्थानमा उपस्थित जो कसै सङ बुझ्न सकिने बताए ।सांसद सुनुवारले पिङ खेल्दै गरेको तस्वीर सार्वजनिक भए संगै विभिन्न सन्चार माध्यमले उद्घाटन भनेर समाचार प्रकासन गरेका थिए ।