गोकर्णेश्वर नगरपालिकामा संचालित सात दिने डकर्मी तालिम सम्पन्न

कपन अनलाइन

काठमाडौँ, फाल्गुन ३

गोकर्णेश्वर नगरपालिकाको सभा हलमा राष्ट्रिय पुन:निर्माण प्राधिकरणको सहयोग र घरेलु तथा साना उद्योग विकास समितिको आयोजनामा  संचालित  सात दिने डकर्मी रि- फ्रेसर तालिमको आज  समापन भएको छ ।

उक्त कार्यक्रमको प्रमुख अतिथि गोकर्णेश्वर नगरपालिका का प्रमुख सन्तोष चालिसे रहेका थिए भने बिशेष अतिथिको रुपमा गोकर्णेश्वर नगरपालिकाकी उप प्रमुख शान्ति नेपाल रहेकी थिइन्।

कार्यक्रममा इन्जिनियर,  प्रशिक्षक ,प्रशिक्षार्थीहरुको उपस्थिति रहेको थियो। उक्त कार्यक्रमको सभाध्यक्षता गोकर्णेश्वर नगरपालिकाका प्रमुख प्रशासकीय अधिकृत दिपक कोइराला गरेका थिए।

कार्यक्रमको  समापन गर्दै  प्रमुख अतिथि गोकर्णेश्वर नगरपालिकाका प्रमुख सन्तोष चालिसेले  पुननिर्माणमा दक्ष जनशक्तिको कमिलाइ  टार्नको  लागी भनेर   पुन:निर्माण  प्राधिकरणले उक्त  कार्यक्रम  साना घरेलु उद्योग विकास समिति संग मिलेर कार्यक्रम ल्याएको बताएका थिए।

कार्यक्रममा प्रशिक्षार्थीहरुलाई प्रमाण पत्र वितरण गरिएको थियो। उक्त कार्यक्रम संचालन मिनराज खड्काले गरेका थिए ।