लायन्स क्लब अफ काठमाडौँ कालिका र भद्रकालीले शिवरात्रिको अवसरमा निशुल्क भोजन वितरण गर्यो

कपन अनलाइन

काठमाडौँ, फाल्गुन २ ।

हिन्दूहरुले आफ्ना आराध्यदेव पशुपति महादेवको आराधना, भजन किर्तन, पूजा, होम आदि गरेर मंगलबार अधिराज्यभर महाशिवरात्रि पर्व मनाइएको छ। महाशिवरात्रिमा भगवान पशुपतिनाथको दर्शनका लागि आउने साधु, सन्त र सर्वसाधारणका लागि पशुपति क्षेत्रमा लायन्स क्लब इन्टरनेसनल डिस्ट्रिक ३२५ ए १ अन्तर्गतको लायन्स क्लब अफ काठमाडौँ  कालिका र भद्रकालीले महाशिवरात्रीको अवसरमा माघ २९ गते देखि फाल्गुन २ गते सम्म निशुल्क खाना र पानीको व्यवस्था गरेको छ ।

सामाजिक उत्तरदायित्व अन्तर्गत उक्त कार्यक्रम आयोजना गरेको लायन्स क्लब अफ काठमाडौँ कालिकाका प्रेसिडेन्टले कपन अनलाइनलाइ जानकारी दिए। उनले लायन्स क्लब अफ काठमाडौँ कालिकाले बिगतमा पनि सामाजिककार्यक्रम गर्दै आएको र आगामी दिनमा पनि गर्दै जाने बताए ।