मृगेन्द्र सम्झना चिकित्सक गुठि स्वास्थ्य सेवा शान्ति मन्दिरको ४१औ बार्षिकउत्सव सम्पन्न

कपन अनलाइन

काठमाडौ, माघ २९ ।

गोकर्णेश्वर नगरपालिका वडा नं १ मा नाघ २६ गते मृगेन्द्र सम्झना चिकित्सक गुठि स्वास्थ्य सेवा शान्ति मन्दिरले आफ्नो ४१ औ बार्षिक उत्सव सम्पन्न गरेको छ उक्त कार्यक्रमका प्रमुख अतिथि गोकर्णेश्वर नगरपालिकाका प्रमुख सल्लाहकार दिपक रिसाल रहेका थिए भने बिशेष अतिथि बरिष्ठ चिकित्सक डा मृगेन्द्रराज पाण्डे  अतिथिहरुमा गोकर्णेश्वर नगरपालिका वडा नं १ का वडा अध्यक्ष राम मानन्धर कागेश्वरी मनोहरा नगरपालिका वडा नं १ का वडा अध्यक्ष मकुन्द प्रसाद गजुरेल ,डा. प्रकाश पोखरेल नेपाली कांग्रेसका महाधिवेशन प्रतिनिधि राजु सुनार लगयत वडा सदस्य , स्थानीयहरुको उपस्थिति रहेको थियो। कार्यक्रमको सभाध्यक्षता डा ऋषिराम पोखरेलले गरेका थिए।  कार्यक्रम संचालन सुशील सिंखडाले गरेका थिए ।

उक्त कार्यक्रममा विद्यार्थीहरुलाई छात्रवृत्ति वितरण गरिएको थियो भने समाजमा योगदान पुर्याउने विभिन्न ब्यक्तिहरुलाई सम्मान समेत गरिएको थियो ।कार्यक्रममा विभिन्न विद्यार्थीहरुले   सांस्कृतिक कार्यक्रम  प्रस्तुत गरेका थिए ।

कार्यक्रममा बोल्दै प्रमुख अतिथि गोकर्णेश्वर नगरपालिकाका प्रमुख सल्लाहकार दिपक रिसालले मृगेन्द्र सम्झना चिकित्सक गुठि स्वास्थ्य सेवा शान्ति मन्दिरलाइ नगरकै उत्कृष्ठ स्वास्थ्य संस्था बनाउनु पर्नेमा जोड दिएका थिए । उनले नगरको स्वास्थ्य बिभाग संग सय प्रतिशत समन्वय गर्दै अघि बढ्नु पर्ने बताएका थिए। उनले संस्थाले गरेको कामको प्रसंशा गर्दै सफलता को शुभकामना ब्यक्त गरेका थिए ।