प्रदेश ३ को उपसभामुखमा राधिका तामाङ निर्विरोध

कपन अनलाइन 

हेटौंडा,२८ माघ।  प्रदेश ३ को उपसभामुखमा माओवादी केन्द्रकी राधिका तामाङ निर्विरोध निर्वाचित भएकी छन्। तामाङले वाम गठबन्धनको तर्फबाट उम्मेदवारी दिएकी हुन् । उनको प्रस्तावकमा एमाले संसदीय दलका नेता डोरमणि पौडेल र समर्थकमा माओवादीकी उपनेता कुमारी मोक्तान रहेकी थिइन्न् ।

अरु कसैको उम्मेदवारी नपरेपछि उनी निर्विरोध भएकी हुन्। कांग्रेसले उपसभामुख आफूले पाउनु पर्ने दाबी गरेपनि उम्मेदवारी नै दिएन। नुवाकोट क्षेत्र नम्बर १ को क बाट निर्वाचित ३४ वर्षीया प्रदेशसभा सदस्स तामाङ माओवादी केन्द्रीय सदस्य र पूर्व कृषि राज्यमन्त्री हुन् ।