विद्यालय प्रिन्सिपल सहित ६ जुवाडे पक्राउ

कपन अनलाइन 

भक्तपुर ,माघ २१

महानगरिय प्रहरी परिसर भक्तपुरले ६ जना जुवाडेलाई पक्राउ गरेको छ । जुवा खालबाट पक्राउ पर्नेमा ग्रिन भ्याली सेकेण्डरी स्कुलका प्रिन्सिपल पनि रहेको प्रहरीले जनाएको छ । प्रहरीले उनीहरुलाई शुक्रबार जुवा खेलिरहेको समयमा चाँगुनारायण नगरपालिका वडा नम्बर-६ स्थित सानुभाई श्रेष्ठको घरमा छापा मारी पक्राउ गरेको थियो ।

पक्राउ पर्नेमा चाँगुनारायण नगरपालिका वडा नम्बर-८ सुडालका प्रिन्सिपल समेत रहेका बिक्रम थापा, चाँगुनारायण-७ बागेश्वरीका ५६ वर्षका सानुभाई श्रेष्ठ, सोही स्थानका ३५ को रमेश खड्का, सोही नगरपालिका-८ का ४६ वर्षका राजकुमार खड्का, ३५ वर्षका सुमन खड्का, ४५ वर्षका राम खड्का, ३१ वर्षका ‘च्यान्टे’ भनिने दिपेश खड्का रहेका छन् । प्रहरीले उनीहरुको साथबाट दुई बुक तास र नगद दुई लाख ५७ हजार पाँच ५२० रुपैंयाँ बरामद गरेको छ । प्रिन्सिपल नै जुवा अखडाबाट पक्राउ परेपछि उनको विद्यालयमा अध्ययनरत विद्यार्थीहरुले कस्तो शिक्षा हासिल गर्लान् ? विषय गम्भिर देखिएको छ । फोटोः गुगल फाइल