गोकर्णेश्वर ५ अर्धौतेश्वर महिला समुहले जेष्ठ नागरिकहरुलाई परिचय पत्र वितरण गर्यो
कपन अनलाइ
काठमाडौ,माघ १४ ।
गोकर्णेश्वर नगरपालिका वडा नं ५ मा रहेको अर्धौतेश्वर महिला समुहले हिजो शनिबार एक कार्यक्रमको आयोजना गरि जेष्ठ नागरिकहरुलाई परिचय पत्र वितरण गर्नुको साथै जेष्ठ नागरिक भ्रमण सम्बन्धि छलफल कार्यक्रम सम्पन्न भएको छ।
जोरपाटी नयाबस्ती मा भएको उक्त कार्यक्रमको प्रमुख अतिथि गोकर्णेश्वर नगरपालिका वडा नं ५ का वडा अध्यक्ष नारायण बहादुर सुबेदी रहेका थिए भने अतिथिमा नेपाली कांग्रेस काठमाडौँ जिल्ला क्षेत्र नं ३ महाधिवेशन प्रतिनिधि राजु सुनार, अर्धौतेश्वर महिला समुहका सदस्य एबम पदाधिकारी ,स्थानीय र जेष्ठ नागरिकहरुको उपस्थिति रहेको थियो। उक्त कार्यक्रमको सभाध्यक्षता लक्ष्मी पुडासैनी(राना मगर)ले गरेकी थिइन्।
उक्त कार्यक्रममा अर्धौतेश्वर महिला समुह कि उपाध्यक्ष ले स्वागत मन्तब्य राखेकी थिइन् ।कार्यक्रममा प्रमुख अतिथिले जेष्ठ नागरिकहरुलाई जेष्ठ नागरिक को परिचय पत्र वितरण गरेका थिए।
उक्त कार्यक्रम मा बोल्दै गोकर्णेश्वर नगरपालिका वडा नं ५ का वडा अध्यक्ष नारायण बहादुर सुबेदी जेष्ठ नागरिकहरुले आर्जन गरेको ज्ञान शिप र अनुभब बिकासमा लगाउनु पर्ने बताउदै जेष्ठ नागरिकहरुको लागि वडा सदैब सकारात्मक रहेको बताएका थिए।
उनले जेष्ठ नागरिकहरुलाई धार्मिक भ्रमण गराउनु पर्नेमा आफ्नो धारणा राखेका थिए।कार्यक्रमको अन्त्यमा बोल्दै सभाध्यक्षले उपस्थित सबैलाई धन्यवाद दिएकी थिइन् ।
फोटो सौजन्य : राजु सुनार
