पाथिभरा गृह श्रमिक महिला समूह बुनपा १० को कुटानी पिसानी सेवा उद्घाटन
कपन अनलाइन
काठमाडौ, माघ १२ ।
बुढानिलकण्ठ नगरपालिका वडा नं १० मा रहेको पाथिभरा गृह श्रमिक महिला समूहले बुढानिलकण्ठनगरपालिका वडा नं १० को सहयोगमा ३ वटा कुटानी पिसानी मेसिन खरिद गरि उक्त मेसिनको समुद्घाटन तथा ससक्तिकरण कार्यक्रमको सुभारम्भ भएको छ ।
उक्त कार्यक्रमका प्रमुख अतिथि बुढानिलकण्ठ नगरपालिका वडा नं १० का वडा अध्यक्ष नवराज भट्टराई रहेका थिए त्यसतै अतिथिहरुमा महिला वडा सदस्य रिता दाहाल , सुवास राइ लगायत पाथिभरा गृह श्रमिक महिला समूहका सदस्यहरु सहित स्थानीयहरुको उपस्थिति रहेको थियो ।उक्त कार्यक्रमका सभाध्यक्षता पाथिभरा गृह श्रमिक महिला समूहकी अध्यक्ष दिलकुमारी राइ रहेकी थिईन
मेसिनको उद्घाटन गर्दै प्रमुख अतिथि बुढानिलकण्ठ नगरपालिका वडा नं १० का वडा अध्यक्ष नवराज भट्टराईले आत्मनिर्भर तथा उध्यमसिलता बिकाशमा पाइला अगाडी बढाएकोमा खुसि ब्यक्त गर्दै उत्पादन गुणस्तरीय भएमा बजारीकरण समेत राम्रो हुने भएको ले गुणस्तरमा ध्यान दिन अनुरोध गरेका थिए।
साथै उनले उद्द्यमशिलताको लागि चाहिने शिप बिकास लगायत बजारीकरणको लागि समेत तालिम आवश्यक भएमा नगरपालिका सहयोग गर्न सदैब तयार रहेको बताए। साथै प्याकेजिंग लगायत अन्य कुरामा समेत ध्यान दिन अनुरोध गर्दै राम्रो काम सुरु गरेकोमा सफलताको शुभकामना ब्यक्त गरे।
कार्यक्रममा सभाध्यक्षताको आसन बाट बोल्दै पाथिभरा गृह श्रमिक महिला समूहकी अध्यक्ष दिलकुमारी राइले उपस्थित सबैलाई धन्यवाद ब्यक्त गरेकी थिइन ।
