बुनपा-११ अधिकारी डाँडाँमा नवजात शिशु मृत अवस्थामा फेला पर्यो

कपन अनलाइन 

काठमाडौ,माघ ११।

बुढानिलकण्ठ नगरपालिकाको वडा नं  ११ को अधिकारी डाँडामा  एक नवजात शिशु बेवारिसे अवस्थामा मृत फेला परेका छन् ।

भर्खरै जन्माएको शिशु सो डाडाको झाडीमा फ्याँकिएको अवस्थामा शव बरामद भएको कपन प्रहरी प्रभागले जनाएको छ ।

स्थानिय महिलाले गोठ सार्नका लागि झाडी सफा गर्दा मृत शिशुलाई बोराभित्र बेरेर फालेको देखेपछि स्थानिय प्रहरीलाई खबर गरेका थिए । शवलाई प्रहरीले पोष्टमार्टमका लागि त्रिवी शिक्षण अस्पतालमा पठाएको र घटनाबारे थप अनुसन्धान भईरहेको कपन प्रहरी प्रभागका प्रहरी निरीक्षक देवबहादुर कुवरले  बताए ।