चलचित्र ‘क्रिमिनल’ को शुभ मुहूर्त सम्पन्न
कपन अनलाइन
काठमाडौँ ,माघ २ ।
चलचित्र ‘क्रिमिनल’ को शुभ मुहूर्त सम्पन्न भएको छ । माघी पर्वको अवसर पारेर सोमबार विहान राजधानीमा मुहूर्त गरेसँगै चलचित्र ‘क्रिमिनल’ बन्ने भएको हो । नेपाल चलचित्र बिकास बोर्डका सदस्य उत्तम के.सी.को प्रमुख आतिथ्यतामा सोमबार राजधानी एक कार्यक्रमको आयोजना गरि चलचित्रको शुभ मुहूर्त सम्पन्न भएको थियो ।
मुहूर्त सामारोहमा उत्तम केसीले क्ल्याप हानेका थिए भने सञ्चारकर्मीद्वय कृष्ण भुसालले नरिवल फोडेका थिए । उक्त कार्यक्रममा सानुकाजी श्रेष्ठले क्यामेराको स्विच अन गरेका थिए । किशोर खतिवडा, अनु पराजुली, सानिया खान र मोहन के.सी.ले मुहूर्न सर्ट दिएका थिए ।
अर्नभ फिल्मस् प्रोडक्शनको तेस्रो प्रस्तुतीका प्रस्तुतकर्ता अर्नभ बस्नेत, निर्माता सिताराम तिमल्सिना ‘ज्याक’, कार्यकारी निर्माता राजन परियार रहेका छन् । माघ १२ गतेदेखि छायांकन सुरु गरिने ‘क्रिमिनल’को छायांकन पूर्वाञ्चलको विभिन्न स्थानमा गरिने निर्माणपक्षले जनाएको छ । अमृतमान महर्जनको निर्देशन रहने यो चलचित्रमा भरत बस्नेतको सङ्गीत, शंकर महर्जनको द्वन्द्व, हरिस खनाल तथा गौरब गिरीको नृत्य र रामेशवर हुमगाईंको छायांकन रहने छ । चलचित्रमा किशोर खतिवडा, अनु पराजुली, रामचन्द्र अधिकारी, सानिया खान, मोहन के.सी., सुरेन्द्र चापागाईं, उग्रसेन ढुंगाना, शंकर शाह, सम्राटजंग थापा, क्रान्तिजंग बराईली, शान्ति भट्टराई, दिव्य नेपाललगायतका कलाकारहरुको मुख्य भूमिका रहने छ । चलचित्रले समाजमा घट्ने अपराधिक घट्नाक्रमलाई मुख्य विषयवस्तु बनाएको निर्माण पक्षको भनार्ई रहेको छ ।
फोटो सौजन्य : रोशन दानी
