नवौं राष्ट्रिय ज्ञानमाला सम्मेलन एतिहासिक चारुमतीस्तुप ( धन्दो चैत्य ) चाबहिलमा सुरु
कपन अनलाइन
काठमाडौ,पौष २८।
बुद्ध धर्मको बिकास : ज्ञान मालाको निकास” भन्ने नाराका साथ नेपाल राष्ट्रिय ज्ञानमाला समितिको नवौं राष्ट्रिय ज्ञानमाला सम्मेलन एतिहासिक चारुमती बुद्ध विहार र चारुमती ज्ञानमाला भजन संघको ब्यवस्थापनमा चारुमति स्तुप ( धन्दो चैत्य ) चाबहिलमा सुरु भएको छ ।
नवौं राष्ट्रिय ज्ञानमाला सम्मेलनको उद्घाटन भिक्षु धम्मसोभन महास्थबिरले गरेका थिए । उदेश्य सहितको मन्तब्य संरक्षक प्रा. सुबर्ण शाक्यले राखेका थिए भने सम्मेलन प्रतिबेदन ज्ञानमाला समितिका महासचिव शान्त कुमार चित्रकारले प्रस्तुत गरेका थिए । कार्यक्रममा धम्मदेसना सहित मन्तब्य भिक्षु तपस्सी धम्मले राखेका थिए । नवौं राष्ट्रिय ज्ञानमाला सम्मेलनमा सहभागीहरुलाई स्वागत मन्तब्य ब्यव्स्थापन सदस्य श्रीमती अनूप सिं डंगोलले गरेकी थिइन् भने कार्यक्रम संचालन ज्ञानमाला समितिका पुर्व महासचिव अमिरमान शाक्यले गरेका थिए । सम्मेलन कार्यक्रमको सभापतित्व केन्द्रीय अध्यक्ष किरणकुमार जोशीले गरेका थिए भने सहभागीहरुलाई धन्यवाद ज्ञापन सम्मेलन ब्यव्स्थापन सचिव परमानन्द शाक्यले गरेका थिए ।
नवौं राष्ट्रिय ज्ञानमाला सम्मेलनको उद्घाटन कार्यक्रममा काठमाडौँ क्षेत्र नं.४ प्रदेश १ प्र्देशसभा सदस्य नरोत्तम बैध, काठमाडौँ महानगरपालिका उपमेयर हरिप्रभा खड्की,कामपा वडा नं.७ का अध्यक्ष सुद्ध कुमार डंगोल,नेपालकालागि श्रीलंका का राजदूत लगाएत ज्ञानमाला समितिका पदाधिकारीहरु,सदस्यहरु,सम्मेलनका सहभागीहरु र स्थानीयबासीहरुको उपस्थित रहेको थियो ।
बुद्धको ज्ञानलाई भजनका माध्यमबाट माला जस्तै गरि फैलाउने उदेश्यले गठित नेपाल राष्ट्रिय ज्ञानमाला समितिको सम्मेलनका अवधिमा भजन, पोसाक छलफल,गोष्ठी, बुद्ध पुजा, नेपालमा ज्ञानमाला भजन :एक विवेचना कार्यपत्र, धर्मदेसना, दिपयात्रा ,सास्कृतिक कार्यक्रम लगाएत बिभिन्न कार्यक्रम हुने आयोजकले जानकारी दिएका छन् ।
पौष २७ देखी सुरु भएको सो सम्मेलन पौष २९ गते सम्म चल्ने छ । देशभरका ४८ वटा ज्ञानमाला संग समन्धित संस्थाका प्रतिनिधिहरु सहभागी रहेको सम्मेलन कार्य समितिको निर्वाचन गर्दै समापन हुने छ ।
फोटो सौजन्य : हेम डंगोल चाबहिल
