तस्विरमा तारेभिर कार्यक्रम सम्पन्न

कपन अनलाइन 

काठमाडौ,पौष २७ ।

चौथो तारेभिर महोत्सवलाई सफल बनाउने तयारी स्वरूप आज शिवपुरीको काख तारेभिरमा “तस्विरमा तारेभिर ” कार्यक्रम सम्पन्न भएको छ ।काठमाडौं फोटो ग्राफर संघको संयोजनमा भएको सो कार्यक्रममा विभिन्न संचार माध्यम र संस्थामा कार्यरत फोटो ग्राफरहरुले तारेभिर क्षेत्रका सांस्कृतिक ,प्राकृतिक र सामाजिक विषयहरुलाई तस्विरमा उतारेका थिए ।

तारेभिर क्षेत्रलाई तस्वीरको मध्यम बाट देश विदेशमा चिनाउने उदेश्य राखेर गरिएको सो कार्यक्रममा काठमाडौं फोटो ग्राफर संघका अध्यक्ष भवदेव थापाले कविता पनि सुनाएका थिए ।

संघको संयोजनमा खिचिएका तस्विर र भिडियोलाई विभिन्न माध्यम बाट प्रचार गरिने आयोजकले जनाएको छ ।

तारेभिर क्षेत्रमा रहेको पर्यटनको सम्भावना लाई प्रयोग गर्दै त्यस क्षेत्रको जीवन स्तर उकास्ने लक्ष्य लिएर यो कार्यक्रम गरेको महोत्सव मूल आयोजक समितिका संयोजक हर्क बहादुर तामांगले बताए ।

चौथो तारेभिर महोत्सव यहि माघ १ र २ गते हुनेछ ।