चाँगुनारायणमा १३ किलो गाँजासहित एक जना महिला पक्राउ

कपन अनलाइन

काठमाडौँ, पौष २०। प्रहरीले भक्तपुरको चाँगुनारायण नगरपालिका–६ बाट १३ किलो ५ सय ग्राम गाँजासहित एक जना महिलालाई पक्राउ गरेको छ । पक्राउ पर्नेमा स्थानीय ३९ वर्षीया पूर्णिमाया तामाङ छिन् ।

घरमा गाँजा संचित गरी बिक्री वितरणको कारोबार गर्ने गरेको भन्ने सूचनाको आधारमा लागू औषध नियन्त्रण ब्यूरो कोटेश्वरबाट खटिएको प्रहरीले घरमा लुकाई राखेको गाँजासहित उनलाई पक्राउ गरेको हो । उनलाई थप अनुसन्धान तथा कारबाहीको लागि महानगरीय प्रहरी परिसर भक्तपुर पठाइएको जनाइएको छ ।