वातावरण संरक्षणमा बुनपा ३ को पहल ,वडाका खम्बाहरुमा हरियो रङ

कपन अनलाइन 

काठमाडौ,पौष १५।

बूढानीलकण्ठ नगरपालिका वडा नं ३ को शहरी सौन्दर्यताका लागि वडाको योजना मुताविक  सफाई परियोजना अन्तर्गत प्राथमिक चरणमा वडा नं ३ स्थित सडकका किनारामा रहेका हरेक खम्बाहरुमा रंग्याईएको छ ।

बुढानिलकण्ठ मन्दिरलाई विश्व सम्पदा सुचिमा राख्न पहल थालिएको र त्यसको लागि यस अभियानले सहयोग गर्ने वडा नं ३ का अध्यक्ष बाल कृष्ण श्रेष्ठले बताए ।

उनले यो अभियान नियमित गर्ने र काठमाडौं उपत्यकाको मनोरम स्थान बुढानिलकण्ठ लाई पर्यावरण र मानव श्रोतको हिसावले नमुना बनाउने लक्ष्य रहेको बताए ।

वडा नं ३ को यो अभियानमा बूढानीलकण्ठ क्षेत्र विकास समितिका सदस्य-सचिव मनोज कुमार श्रेष्ठ, वातावरण संरक्षण अभियान नेपाल

( ECI,Nepal ),दिनेश श्रेष्ठ,राजेन्द्र श्रेष्ठ,सविन प्रधान,सुरेश कुँवर,उमेश नगरकोटी लगायतको सकृय सहयोग रहेको वडाले जनाएको छ ।