रियल मड्रिडद्वारा मालागा ३-२ ले पराजित

कपन अनलाइन 

एजेन्सी, १० मंसिर । शनिबार राति भएको स्पेनिस लिग ला लिगामा रियल मड्रिडले मालागामाथि ३–२ गोलको कठिन जित हात पारेको छ । खेलको ९ औ मिनेटमा गोल गर्दै करिम बेन्जेमाले रियललाई अग्रता दिलाएका थिए ।

तर, मालागाका लागि डियोगो रोलानले १८ औ मिनेटमा बरारबरी गोल फर्काए । खेलको २१ औ मिनेटमा काशिमेरोले गोल गर्दै पुन रियललाई अग्रता दिलाएका थिए । दोस्रो हाफमा मालागा पुन खेलमा फर्कियो ।

मालागाका लागि गोन्जालो कास्ट्रोले गोल गरे । खेलको ७६ औ मिनेटमा रोनाल्डोले पेनाल्टीमा गोल गर्न चुके । तर, गोलरक्षक पुर्ण रुपले पेनाल्टी जोगाउन नसक्दा रोनाल्डोले गोल गरे । यो जितसँगै रियल मड्रिडलाई केही राहत मिलेको छ भने बार्सिलोनासँगको अंकदुरी पनि कम भएको छ ।