भ्यालीपब्लिक कप बास्केटबल : कान्तिपुर र टेरिजा क्वाटरफाईनलमा

कपन अनलाइन 

काठमाडौं ,मंग्सिर २।

कान्तिपुर र टेरिजा स्कुल १२ औ भ्यालीपब्लिक कप अन्तरविद्यालय बास्केटबल प्रतियोगिताको महिलातर्फ क्वाटर फाईनलमा प्रवेश गरेका छन् ।

शनिवार भएको लिग खेलमा कान्तिपुर स्कुलले हिम्सलाई १६–१० को स्कोरमा रोक्यो । कान्तिपुरको जितमा उत्कृष्ट प्रदर्शन गरेकी दिचेन गुरुङले एक्लै १५ स्कोर गरेकी थिईन् । त्यस्तै टेरिजाले इडनब्रिजलाई २१–१३ को स्कोरमा हराउदा सृजना माझीले सर्वाधिक १४ स्कोर गरिन् ।
भ्यालीपब्लिक स्कुल रजत महोत्सवका अवसरमा संचालित प्रतियोगिताको तेश्रो दिन ग्रिनल्याण्ड स्कुलले पनि दोहोरो जित निकाल्दै क्वाटर फाइनलमा प्रवेश गरेको छ ।

महिलातर्फ ग्रिनल्याण्डले भद्रकाली स्कुललाई २४–१६को स्कोरमा हराउदै क्वाटर फाइनलको यात्रा तय गर्यो । त्यस्तै पुरुषतर्फ ग्रिनल्याण्डले भद्रकालीलाई ४२–१६ को फराकिलो अन्तरले हराउदै एक खेल अगावै अन्तिम आठमा स्थान सुरक्षित गरेको हो ।फोटो :खुल्ला पाटी डट कम