काठमाडौं ५ मा राप्रपा वडा अध्यक्ष उम्मेदवार सहित ४७ जना एमालेमा प्रवेस
कपन अनलाइन
काठमाडौ,मंग्सिर २
नेकपा (एमाले) महासचिव ईश्वर पोखरेल उम्मेदवार रहेको काठमाडौँ क्षेत्र नम्बर–५ मा पार्टी प्रवेशको लहर चलेको छ । काठमाडौं महानगरपालिका वडा नं. ४ मा आयोजित पार्टी प्रवेश कार्यक्रममा आजै एक सय ७४ जना युवाहरु एमाले प्रवेश गरेका हुन् ।
नवप्रवेशीहरुलाई महासचिव तथा उम्मेदवार समेत रहेका पोखरेलले टिका र माला लगाएर स्वागत गरेका थिए । नेपाल लोकतान्त्रिक समूह बालुवाटार, हाँडीगाउँ युवा समूह र टुसाल पञ्चकन्या युवा समूहमा आवद्ध रहेका युवाहरुले सामूहिक रुपमा एमाले प्रवेश गरेका हुन् ।
प्रवेस गर्नेमा करुणसिंह ठकुरी, सञ्जिव थापा, बीके नेपाली र सत्य रजकलगायतका युवाहरु रहेका छन ।
सोहि कार्यक्रममा स्थानीय निर्वाचनमा राप्रपाको तर्फबाट वूढानीलकण्ठ नगरपालिका वडा नम्बर–७ मा वडा अध्यक्षको प्रतिस्पर्धा गरिसकेका बुद्धि श्रेष्ठ पनि एमाले प्रवेश गरेका थिए ।
प्रवेश कार्यक्रमलाई सम्वोधन गर्दै वाम गठवन्धनका साझा उम्मेदवार महासचिव पोखरेलले राजनीतिक लडाईँको कार्यभार समाप्त भएको भन्दै अब समृद्धिको दिशामा अघि बढ्नुपर्ने बताएका थिए ।
