बुढानिलकण्ठ नगरपालिका वडा नं ८ को शुभकामना आदान प्रदान कार्यक्रम सम्पन्न
कपन अनलाइन
काठमाडौ,असोज ३१ ।
बुढानिलकण्ठ नगरपालिका वडा नं ८ ले शुभ दिपावली,नेपाल संवत र छठ पर्वको अवसरमा शुभकामना आदान प्रदान र चियापान कार्यक्रमको आयोजना गरेको छ ।
वडा कार्यालय भवन गोल्फुटारमा भएको कार्यक्रमको प्रमुख अतिथि नेकपा एमालेका केन्द्रिय कमिटि सदस्य डा. राजन भट्टराई रहेका थिए त्यस्तै अन्य अतिथिमा बुढानिलकण्ठ नगरपालिकाका प्रमुख उद्दव खरेल ,सुन्दर पुर्कुटी ,नेकपा एमालेका प्रदेस क्षेत्र-२ संयोजक विदुर विक्रम खडका ,नेकपा माओवादी केन्द्रका पुरुषोत्तम कोइराला , पेशागत महासंघका विष्णु लामिछाने ,वडा सदस्यहरु रहेका थिए ।
कार्यक्रममा वक्ताहरुले समसामयिक राजनीति र नगरपालिकाको विकासका वारेमा आफ्नो भनाइ राखेका थिए भने आसन्न चाडपर्वको सुभकामना पनि दिएका थिए ।
वडावासीहरुको बाक्लो उपस्थिति रहेको कार्यक्रमको अध्यक्षता वडा नं ८ का अध्यक्ष सुमन तामांगले गरेका थिए भने संचालन वडा सचिव राजेन्द्र रोक्काले गरेका थिए ।
