बूढानिलकण्ठ युवा क्लबको शुभकामना तथा विविध सांस्कृतिक कार्यक्रम सम्पन
कपन अनलाइन
काठमाडौ,असोज ३०।
बूढानिलकण्ठ युवा क्लबले दिपावलि, छठ, नेपाल संवत ११३८ को उपल्क्ष्यमा विविध सांस्कृतिक कार्यक्रम तथा शुभकामना आदान प्रदान कार्यक्रम सम्पन गरेको छ।
नेकपा एमालेका महासचिव एवं पुर्व उपप्रधानमन्त्रि ईश्वर पोखरेलको प्रमुख आतिथ्यतामा भएको कार्यक्रममा बूढानिलकण्ठ नगर प्रमुख उद्दव खरेल लगायत विशिष्ट व्यत्तिहरुको कार्यक्रममा उपस्थिति रहेको थियो।
समस्त नेपाल ब्यान्डको नेपाली बाजाहरुको फ्युजन प्रस्तुती रहेको यस कार्यक्रममा मौलिक बाजाहरुको प्रस्तुतिका साथमा नृत्य र प्रहसन प्रस्तुती गरीएको थियो ।
कार्यक्रममा बोल्दै प्रमुख अतिथी ईश्वर पोखरेलले नेपाल बहु भाषा, बहु धर्म, बहु संस्कृतिको फुलबारी भएको हुदा यि हाम्रा सम्पतिहरुको संरक्षण गर्न बूढानिलकण्ठ क्लबले गरेको सांस्कृतिक कार्यक्रमको प्रशंसा गरेका थिए ।
विशिष्ट अतिथी बूढानिलकण्ठ नगर प्रमुख उद्दव खरेलले कार्यक्रमलाई निकै सकारात्मक रुपमा लिँदै बूढानिलकण्ठ नगरको समृद्दिको लागी यहाँको संस्कृति, बाजाहरुको संरक्षणमा नगरपालिका लागी पर्ने बताउदै यस किसिमका कार्यक्रमले नगरपालिका क्षेत्रमा पर्यटनको समेत प्रचुर सम्भावना बढ्ने बताएका थिए ।
क्लबले पहिले भन्दा यस पटक फरक ढंगको कार्यक्रम गरिएको र यस पटक भने स्थानीय मौलिक र संस्कृतिलाई संरक्षण गर्न यस किसिमको कार्यक्रम आयोजना गरिएको क्लबका अध्यक्ष गणेश कुँवरले जनाएका छन् ।
