आश्विन २१ देखी २९ सम्म प्रथम दक्षिण एसियाली जोरखाने तथा कुस्ती पेहलवनी प्रतियोगीता हुने

 कपन अनलाइन

काठमाडौ,भाद्र २४ /बद्री भट्टराई

नेपाल जोरखाने संघको आयोजनमा आगामी असोज २१ देखी प्रथम दक्षिण एसियाली जोरखाने तथा कुस्ती प्रतियोगीताको आयोजना हुने भएको छ । भाद्र ३१ देखी हुने तय भएको कार्यक्रम प्राविधिक कारणवस असोज महिनाको लागि तय गरिएको संघका वरिष्ठ उपाध्यक्ष सुर्य बुढाथोकीले बताएका छन । प्रतियोगीता सञ्चालनका लागि कुल ८२ लाख लाग्ने संघका महासचिव रवि घिमिरेले बताएका छन ।

दक्षिण एसियाका नेपाल, भारत पाकिस्थान, श्रीलङ्का भुटान बंगलादेश, अफगानीस्थान , माल्दिप्स गरी ८ राष्ट्रका ८० खेलाडीले सहभागीता जनाउने घिमिरेले बताए । एसियाली राष्ट्रहरुका नेपालले पदक प्राप्त गर्ने खेलका रुपमा जोरखाने स्थापित हुदै गइरहेको अवस्थामा नेपालमा नै यस प्रकारको प्रतियोगीता आयोजना हुनाले खेलाडी, प्रशिक्षक र संघलाई समेत उत्साह थपिएको हुँदा जोराखाने संघ आवश्यक सबै तयारीका लागि जुटिरहेको संघका अध्यक्ष सुरेन्द्र मान्नधरले बताएका छन ।