औषधि लिमिटेडको सिटामोल असोजबाट

कपन अनलाइन  

लामो समयपछि सञ्चालनमा आएको नेपाल औषधि लिमिटेडले आगामी १ असोजमा सिटामोल बजारमा ल्याउने भएको छ । सामान्य ज्वरो आउँदा पनि बजारमा सजिलै नपाइने सिटामोललाई आगामी १ असोजमा लिमिटेडको वार्षिकोत्सवको अवसर पारेर बजारमा ल्याइने भएको हो ।

नेपाल औषधि लिमिटेडका प्रबन्ध निर्देशक रोभसकुसुम सुवेदीले वार्षिकोत्सवको अवसर पारेर सिटामोल बजारमा ल्याइने जानकारी दिए । उनले पहिलो चरणमा ३ लाख २० हजार गोटा ट्याब्लेट सिटामोल उत्पादन गरिने बताए । अहिलेसम्म जीवनजलको मात्रै उत्पादन सुरु गरेको लिमिटेडले आगामी १ असोजमा पहिलोपटक बजारमा सिटामोल ल्याउने किसिमले कार्य भइरहेको प्रबन्ध निर्देशक सुवेदीले जानकारी दिए ।

यसरी उत्पादन गरिने औषधिलाई विशेष गरी विपन्न वर्गको आवश्यकता हेरी दुर्गमतिर पठाइने उनको भनाइ छ । ‘बर्खाको समयमा दुर्गमका मानिसमा झाडापखाला फैलिन्छ, त्यस्तो अवस्थामा यो सरकारी स्वामित्वको संस्था भएर त्यस्तो ठाउँमा अलिकति छिटो औषधि पु¥याउन सकिन्छ,’ उनले भने ।

अहिलेसम्म दैनिक १० हजार गोटा जीवनजल उत्पादन गरिरहेको लिमिटेडले आगामी दिनमा यसको उत्पादन पनि बढाउँदै लैजाने लक्ष्य लिएको बताएको छ । जीवनजलको उत्पादन बढाउन आवश्यक कार्य भइरहेको प्रबन्ध निर्देशक सुवेदीको भनाइ छ । लिमिटेडले उत्पादन बढाउँदै लगेमा औषधिको आयात विस्थापित गर्न सकिने संकेत गर्दै प्रबन्धक सुवेदीले भने, ‘जुन औषधि हामी यहाँ उत्पादन गर्न सक्छौं, त्यो किन आयात गर्नुप¥यो ? नेपालमा उत्पादन गर्न सकिने औषधिमा त आत्मनिर्भर हुनु प¥यो ।’

यसरी उत्पादन गरिने औषधि सस्तो तथा सुलभ मूल्यमै बिक्री वितरण गरिने लिमिटेडले जानकारी दिएको छ । जीवनजलको मूल्य बजार मूल्यभन्दा १० प्रतिशत सस्तो रहेको र सिटामोलको मूल्य पनि अहिले नै बजार मूल्यभन्दा सस्तो नै हुने जनाइएको छ । अहिले नै कति सस्तो हुन्छ भन्ने कुरा यकिन नभए पनि सरकारले तोकेको मूल्यमा नै बिक्री हुने र करिब १० प्रतिशतले नै सस्तो हुनेछ । पहिलो चरणमा ६ करोड ४८ लाख रुपैयाँ सरकारले उपलब्ध गराएकाले त्यसैअनुसार औषधि पनि उत्पान गरिने र विस्तारै सर्पले टोकेकोलगायतका औषधि पनि नेपालमा नै उत्पादन गर्ने महŒवकांक्षी योजना अघि सारेको औषधि लिमिटेडले जनाएको छ ।