कपनमा सिताराम गोकुल मिल्कको दुधमा बोसो गन्हायो ।

कपन अनलाइनदूध तथा दुग्धजन्य पदार्थमा अखाद्य पदार्थ मिसावट गरेर विक्रि वितरण गरिएको घटना एकपछि अर्काे दोहोरिन थालेको छ । सरकारी दुध वितरक डिडिसिदेखि भर्खरै यस व्यवसायमा आएका सबैले दुधमा विभिन्न अखाद्य पदार्थ हालेर बिक्री गर्न थालेपछि दूधप्रति उपभोक्ताको सकारात्मक दृष्टिकोण गुम्न थालेको अवस्थामा आज विहानै कपनमा बेचिएको करिब ५० क्रेट सिताराम गोकुल मिल्कको स्टाण्डर्ड दुध गन्हाउने अवस्थामा भेटिएको छ । दूधमा बोसोजस्तो गन्हाएपछि कपनका धेरै उपभोक्ताहरु दुध वितरक कहाँ तताएको दूध लिएर जाँदै थिए । दूध गन्हाउने भएपछि सिताराम दुधका उपभोक्ता चियापसलहरु पनि बन्द भएका छन् ।