सरस्वतीनगरमा आगलागी, सुवास राइको कोठा जल्यो

कपन अनलाइनहिउँद महिनामा नेपालमा आगलागिका कारण बर्षेनी करोडौँको धनमाल नष्ट हुने गरेको छ । आगलागिका न्युनतम सावधानी नअपनाउँदा र दमकलको असुबिधाका कारण पनि धेरै धनमाल नष्ट हुने गरेको हो । काठमाण्डौँ उपत्यकामा पनि आगलागिले सँधै दुख दिने गरेको छ । यसैक्रममा हिजो साँझ कपन नजिकै सरस्वतीनगरमा भीषण  आगलागि भएको छ।

प्राप्त समाचार अनुसार सरस्वतीनगर गोल्डेन पिक स्कुल नजिकै रहेको रामबहादुर गुरुङको १ तले घरमा साँझ ५.३० मा आगलागि भएको हो । रामबहादुर गुरुङको १ तले घरमा डेरा गरी बस्ने सुबास राइको कोठामा खाना पकाउने ग्याँस चुहिएर आगो लागेको कपन प्रहरी प्रभागले जनाएको छ । आगलागिको घटना लगत्तै कपन प्रहरीका इन्चार्ज नवराज ढुंगानासहितको टोली घटनास्थलमा पुगे पनि दमकल आइपुग्न ढिलो भएको थियो ।

चौतर्फि प्रयासपछि दमकल आएर आगो निभाउँदा करिब १ लाख बराबरको धनमाल नष्ट भएको जनाइएको छ ।