युवा संघ कपनको अधिवेशन
काठमाडौ, पुस १३ – नेकपा एमालेको युवाहरुको जत्था सम्मिलित हुने भनेर चिनिएको भातृ संगठन युवा संघ कपनले आफ्नो अधिवेशन तयारी तीब्र पारेको छ । अधिवेशन तयारी स्वरुप बसेको बैठकले पौष २८ गते अधि
वेशन गर्ने निर्णय गरेको छ ।
युवा संघले अधिवेशन तयारी स्वरुप वडा वडामा भेला गर्ने, संगठन सुदृढीकरण र विस्तारमा जोड दिने युवा संघ कपनका अध्यक्ष रामशरण सापकोटाले जानकारी दिए । अधिवेशनको खुल्ला सत्रमा ह्याण्डबल ग्राउण्ड आकाशेधारामा युवा संघ कपन र नेकपा एमाले गाँउ कमिटि कपन बिच मैत्रिपुर्ण फुटबल खेल हुने युवा संघको विज्ञप्तीमा जनाइएको छ ।
कपन क्षेत्रमा युवा संघलाई नेकपा एमालेको दह्रिलो संगठनको रुपमा हेरिने गरिन्छ । युवा संघ कपनबाट राजनीतिक पृष्ठभूमी सुरु गरेका विभिन्न युवाहरु हाल नेकपा एमाले कपनको गाउँ कमिटिमा र केही युवाहरु युवा संघ जिल्ला कमिटि काठमाडौंमा समेत सकृय र नेतृत्वदायी भुमिकामा देखिएका छन् ।
यस अघि नै नेकपा एमालेको अर्को भातृ संगठन अनेमसंघले अधिवेशन सम्पन्न गरिसकेको छ । नेकपा एमाले कपनले भातृ संगठनहरुको अधिवेशन सम्पन्न गरेपश्चात आफ्नो अधिवेशन गर्ने यस अघि नै जनाइसकेको छ ।
