आज मतदान केन्द्रहरूमा मतदाता परिचयपत्र बाँडिने

कपन अनलाइन्, काठमाडाैँ । बैशाख ३१ गते हुने निर्वाचनका लागि निर्वाचन आयोगले आज सबै भोट हाल्ने बुथहरुमा तथा अन्य सार्वजनिक ठाउँमा नयाँ मतदाता परिचयपत्र बाँड्ने भएको छ ।

चुनाव हुने ३ दिन अघि नयाँ अपडेट भएको परिचयपत्र बाँडिने भएको हो । नयाँ बनाउनेहरुलाई मात्र हैन पूराना परिचय पत्र हुनेहरुले पनि नयाँ परिचयपत्र लिएरमात्र मतदान गर्न पाउने नियम बनाइए अनुसार आज मतदाता परिचयपत्र बाँड्न लागिएको हो ।

आज कुनै कारण परिचयपत्र लिन नसक्ने मतदाताहरुले मतदानको दिन पनि परिचयपत्र लिन सक्ने वातावरण स्थानीय निर्वाचन आयोगले बनाएको छ । परिचयपत्र लिनका लागि कुनै एक परिचय खुल्ने फोटोसहितको सरकारी परिचयपत्र लिएर आउन निर्वाचन आयोगले सबैलाई आग्रह गरेको छ । (फाेटाे सभार गुगलमार्फत)