राष्ट्रपति रनिङ शिल्ड अन्तर्गत क्षेत्र नं.६ को प्रतियोगिता आज समापन हुँदै

कपन अनलाइन, काठमाडौँ । काठमाडौंमा भैरहेको क्षेत्र राष्ट्रपति रनिङ शिल्ड प्रतियोगिता अन्तर्गत क्षेत्र नं. ६ को प्रतियोगिता आज समापन हुँदैछ । हिजो फागुन १५ बाट संचालित भएको प्रतियोगितामा १४ विद्यालयको सहभागिता रहेको संयोजक जय गुरुङले कपन अनलाइनलाई बताए ।

क्षेत्र नं. ६ को झोरमा रहेको त्रिवेणी स्कूल भैरहेको प्रतियोगितामा एथलेटिक्स, भलिबल, ज्याबलिङ थ्रोलगायतका खेल भैरहेको छ । आज साँझ राखेपका प्रतिनिधिले सो कार्यक्रम समापन गर्ने संयोजक गुरुङले बताए ।
प्रतियोगितामा विद्यालयहरुको महत्वपुर्ण सहभागिता र खेल प्रदर्शनले कार्यक्रम आयोजनाको सार्थकता प्रस्तुत भएको संयोजक गुरुङले बताए । काठमाडौ जिल्लाका १० वटै क्षेत्रमा यस राष्ट्रपति रनिङ शिल्ड प्रतियोगिता कार्यक्रम भैरहेको छ ।