जोरपाटीको जम्मु डाँडामा ट्रकको ठक्करबाट सिन्धुलीका मोटरसाइकल चालक न्यौनेपाको मृत्यु

कपन अनलाइन 

काठमाडौंको जोरपाटी जम्मु डाँडा स्थित सडकखण्डमा आज   बिहान अन्दाजी  ८:१५ बजे   सडक दुर्घटना हुँदा २१ वर्षीय प्रविन न्यौनेपाको मृत्यु भएको छ ।

बा २ ख २८९९ नम्बरको मिनिट्रकले बा ३६ प ७११ नम्बरको मोटरसाइकललाई ठक्कर दिँदा मोटरसाइकल चालक, सिन्धुली रानिबास बस्ने प्रवीन न्यौनेको मृत्यु भएको हो भने मोटरसाइकल पछाडी बसेका  सुसील न्यौपाने घाइते भएका छन् । घाइते सुसील न्यौपानेको शंकरापुर अस्पताल जोरपाटीमा उपचार भइरहेको छ ।

दुर्घटनामा संलग्न ट्रक सहित चालकलाई महानगरीय प्रहरी वृत बौद्धले नियन्त्रणमा लिएको छ ।