चिनियाँ पुस्तक केन्द्र काठमाडौँमा स्थापना हुने
कपन अनलाइन, काठमाडौँ, २ पुस ।
चीनको चिनियाँ विदेशी भाषा प्रकाशन र वितरण विभागको सहयोगमा काठमाडौँमा चिनियाँ पुस्तक केन्द्र स्थापना हुने भएको छ ।
सो विभागले अन्तर्राष्ट्रियस्तरमा स्थापना गर्न लागेको यो चौथौँ केन्द्र हो भने दक्षिण एसियामा पहिलो केन्द्र हो । चीनका आर्थिक, सामाजिक, सांस्कृतिकलगायत विविध पक्षलाई जानकारी गराउन र नेपाल र चीनबीचको सम्बन्धलाई अझ सुदृढ बनाउन सो केन्द्र स्थापना गर्न लागिएको हो ।
डिल्लीबजारस्थित चीन अध्ययन केन्द्रको हातामा स्थापना गर्न लागिएको सो केन्द्र स्थापना गर्न केन्द्रका अध्यक्ष सुन्दरनाथ भट्टराई र सो विभागका उपाध्यक्ष लु छाई रोङ्गकाबीच आज समझदारी पत्रमा हस्ताक्षर भएको छ ।
सो अवसरमा अध्यक्ष भट्टराईले नेपाल र चीनबीचको सम्बन्धलाई अझ सुदृढ बनाउन पुस्तक केन्द्रले थप सहयोग पु¥याउने विश्वास व्यक्त गर्नुभयो ।
विभागका उपाध्यक्ष रोङ्ले चीनको बहुआयामिक पक्षका बारेमा नेपाली जनतालाई जानकारी गराउन पुस्तक केन्द्रले सहयोग पु¥याउने विश्वास व्यक्त गर्नु भयो । रासस
